श्री गणेशाय नम : । श्री गुरुभ्यो नम :। श्री कुलदेवताभ्यो नम: । श्री महालक्ष्म्यै नम:। श्री सरस्वत्यै नम :॥ गुरु माहात्म्य काय वर्णू । कसे वर्णू किती वर्णू ॥ कोठूनी शब्दासी आणू। मती कोठूनी आणू ॥1॥ बुध्दी देणार गुरु । वर्णन करविता गुरु॥ घडविणार सर्व गुरु । कर्ता करविता गुरु॥2॥ परब्रह्म आणती गुरु । मोक्ष देण्या समर्थ गुरु ॥ अनुभव देण्या समर्थ गुरु । कर्म दग्ध करिती गुरु ॥3॥ नित्य नैमित्तिक अनुष्ठानही । दत्तवाडीसी सदा असती ॥ प्रत्येका वाटते मनी । भाग घ्यावा यामध्यी ॥4॥ अनुभव विमानी चढण्याची । सर्वाच्या मनी घाई ॥ कोणी करिती पारायणासी । कोणी सदा गर्क सेवेसी ॥5॥ प्रत्येका मनी विचार एकचि। गुरु समर्थ त्यासाठी ॥ अर्पू जीवन सार्थकतेसी । कर्म दग्ध करण्यासी ॥6॥ कर्म कैसे ठाऊक गुरुसी । ते उमजोनी तो गुरुपदी ॥ प्रत्येकाची स्थिती वेगळी । त्या त्या मिळे भिन्न मार्गासी ॥7॥ गुरु प्रत्येक कर्मासी । गती देती भिन्न मार्गी ॥ हा विश्वास शिष्यासी । त्याने शरण गुरुपदी ॥8॥ बावन दिवस अखंडी । गुरुचरित्र पारायणी ॥ प्रत्येकाची भिन्न पाळी । जो तो करितो पारायणासी ॥9॥ गुरु लक्ष सर्वाभूती । दृश्य आणि अदृश्यी ॥ दक्षता वर्णू कशी । बुध्दी नाही मज जवळी ॥10॥ सूचना पाट वाजताचि । गुरु पाहती येऊनी॥ सूचना ती कशाची । विचारिती त्या शिष्यासी ॥11॥ पारायणा येणार शिष्य । त्याचे पोथी पाट॥ फुले साहित्य सर्व । तयार असे गुरु मठासी ॥12॥ नुसते करा पारायणासी। ताण नाही कोणावरी ॥ पारायण संपता क्षणी । चहा कॉफी मिळे त्यासी ॥13॥ आयते मिळे सर्वही । करा अनुष्ठान मठासी ॥ साधुनी ही पर्वणी । विमान गाठा स्वर्ग मोक्षासी ॥14॥ गणपती उत्सवी । गजानन विजय पारायणी ॥ पाटासह तयारी । पोथी तिही पाटावरती ॥15॥ नुसते करा पारायणासी । आनंद ठेवा मनी ॥ गुरुची इच्छा एकचि । प्रसन्न करा मनासी॥16॥ स्वतंत्र खोली स्त्रियांसी । झाडूनी तयार आधी ॥ सर्वा आधी उठूनी। पाट मांडण्या सांगती ॥17॥ शिष्या येण्या आधी । झाडझूड सर्वही ॥ सकाळची आरती । व्हावी साडे सहा सातासी॥18॥ दक्षता किती तरी । क्षेत्र स्वच्छ राखण्यासी ॥ लेखणीत नाही शक्ती । अनुभव लागे पाठी ॥ 19॥ चाले पारायण अखंडी । अखंड चाले चहा कॉफी ॥ कळे गुरु शक्ती त्यातूनी ॥ लक्ष अखंड गुरुचे कर्मी ॥20॥ दत्तमूर्ताी उभी जशी । विश्रांती ना त्या कधी ॥ विश्रांती ना ठाऊकी। गुरु तत्पर शिष्य कामी ॥21॥ भोजन सरबत कॉफी । तेही घेण्या विसरती ॥ वेळ मिळता शिष्या सोडूनी । करिती स्वदेह कार्यासी ॥22॥ ती तळमळ शिष्यासाठी । वर्णन करणे अशक्यचि ॥ सकाळचा फराळ घेती रात्री । पाट ताट मांडल्यावरी ॥23॥ कॉफीची काय गती । तयार असून मग्न शिष्यी ॥ चार चार तास तसेचि । शिष्य गेल्यावर घेती कॉफी ॥24॥ आधी चार गोष्टी शिष्यासी । मग शरीर धर्म सर्वही ॥ ही तळमळ गुरुची । अनुभवे कळे ज्याचे त्यासी ॥25॥ चटपट पंचरी नाही काही । शुध्द सात्त्वि भाव अंतरी ॥ त्याने प्रेरणा सर्वासी । वर्णन करे कशी लेखणी ॥26॥ सात्त्विता नसे बाजारी । श्रध्दे निष्ठे सर्व निर्मिती ॥ किती कर्मा मिळे गती । हे कसे कळेल शिष्यासी ॥27॥ त्याची होता तयारी । अभ्यास करिता घटनी ॥ शिष्या कळे काही । योग्यता वाढे त्याची ॥28॥ ही प्रक्रिया अखंडी । चालू असे दत्तवाडीवरी ॥ अदृश्य घटना कळण्यासी । स्थिरता लागे मनी ॥29॥ प्रत्येक अनुष्ठानी । कर्मा मिळे गती ॥ जाता कर्म सोडूनी । घटना घडती जीवनी ॥30॥ घटनेचा ताण मनी । काही ताण शरीरी ॥ सोडता कर्म शरीरासी । त्रास सतत होई मनी ॥31॥ ऐसे गुरु दत्तवाडीसी । आनंद होतो मनी ॥ जीवनी सार्थकता होई । अनुभव येतो क्षणोक्षणी ॥32॥ सतत वाटते मनी । रहावे त्याच वातावरणी ॥ शुध्द व्हावे या जन्मी । आनंद वाटतो दासासी ॥33॥ गुरुनाथ आरुढ गुरुपीठी । ब्रह्मा विष्णू महेश शक्ती ॥ लोटांगण गुरु तव चरणी । तृप्ती अनुभव तव लीलेतूनी ॥34॥ संकल्प तुमचा तुम्हा ठाऊकी । बांधू नुसती खोली अनुष्ठानाची । सुरवात करिता स्वप्न शिष्यासी । विटांची बांधावी पूर्ण झोपडी ॥35॥ सिमेंट विटा माती । व्यवस्था झाली गुरुसंकल्पी ॥ बुध्दीपलीकडच्या खेळासी । जाणिसी जर पातळी तशी ॥36॥ मान प्रतिष्ठेसाठी खर्च जगी । अपेक्षारहित इथे सर्वही ॥ ज्ञानदान सत्र चाले अखंडी । कंटाळा न देखिला प्रश्नोत्तरी ॥37॥ सांगून न वागले कोणी । पुन: पुन: त्यांना सांगती ॥ जन्मोजन्मीची प्रक्रिया ही । प्रगती करा आहे त्या स्थिती ॥38॥ तीन अश्वशक्ती पंपासी । बसविती दत्तवाडी विहिरीसी ॥ खोदिता विहीर लहान जरी । लागला प्रचंड झरा तळी ॥39॥ कितीही वेळ पंप चालूनी । पाणी न तुटे लहान कुपी ॥ गुरुशक्तीची ही प्रचंड ज्योती । अनुभवितो दास क्षणोक्षणी ॥40॥ श्री गुरुंची अगाध लीला । आनंद वाटतो वर्णिता ॥ गुरुंनी दत्तजयंतीला । प्रवचन दिली प्रेरणा ॥41॥